Arbeiðsvanlukka í Vági

Stormurin í gjár elvdi seinnapartin í gjár til eina arbeiðsvanlukku.

Tað var nakað eftir klokkan 14 í gjár, at fólk hjá Bygma í Vági vóru í ferð við at tryggja tilfar, at ein maður um 40 ára aldur fekk skaða.

Maðurin varð fluttur á sjúkrahúsið, har hann varð staðfestur deyður.

Arbeiðseftirlitið er kunnað, og málið skal kannast nærri.

Tað er ógreitt, júst hvat hendi, tí eingin sá tað, sigur vaktleiðarin á løgreglustøðini í Havn, men hildið verður, at maðurin varð raktur av onkrum, sum var fokið í vindinum.