Tangabilur fór av vegnum á Sandi

Seinnapartin í gjár fekk løgreglan boð um, at ein tangabilur hjá Effo var farin útav sjálvum vegum og hálvgum lá við vegjaðaran.

Hetta var nær við øki Inni í Dal á Sandi, har skúlin og fótbóltsvøllurin eru. Sambært in.fo var tað á uppdyrkingarvegnum inn til Skemmugarð á Sandi.

Vaktleiðarin á løgreglustøðini í Havn í dag lýsir tað sum, at "vegurin gav eftir undan oljubilinum". Stóri bilurin var smokkaður spakuliga niður í veitina

Tað er ikki greitt hví; ein giting er nógva regnið.

11 tons av olju vóru í tanganum. Eingin dáking - og ei heldur nakar persónsskaði - var í sambandi við hendingina.

Tað krevur sítt at fáa slíkan bil upp aftur. Tað var millum annað ikki gjørligt "bara" at nýta kranabil. Vaktleiðarin á løgreglustøðini í Havn visti ikki støðuna í morgun, men nevndi at møguliga var gera eitt slag av rampu við gróti.