Seks fingu klipp fyri at koyra inn á Vaglið

Í løtuni er ikki loyvt at koyra av Áarvegnum og Mylnugøtu og inn á parkeringsøkið við býráðsskrivstovuna á Vaglinum í Havn.

Hetta tí at Tinghúsvegurin er stongdur framvið løgtingshúsinum, har arbeitt verður upp á at skifta húsaklædningin út.

Eitt stutt skiftið um middagsleitið í gjár, staðfesti løgreglan seks bilar, sum ikki aktaðu forboðið um at koyra niðan eftir niðjasta parti av Niels Finsensgøtu. Hesir seks bilførararnir fingu tí klipp í koyrikortið.

Vaktleiðarin heitir á bilførarar um at akta skeltingina, og ikki koyra inn, har forboðsskelti standa.

Hevur ein ørindi á Vaglinum við bili, er einasti vegur at koyra niðan eftir Sverrisgøtu við klædnahandilin Kissa, har tað vanliga ikki er loyvt at koyra.