Bilur rendi av vegnum

Um 5-tíðina seinnapartin í gjár hendi eitt ferðsluóhapp á landsvegnum millum Sund og Sandvíkahjalla.

Ein bilførari misti onkursvegna tamarhaldið á bilinum, sum rendi niðan av vegnum. Ongin álvarsligur mansskaði var, men materiellur skaði. Ein persónur var kortini fluttur á landssjúkrahúsið til kanningar, upplýsir vaktleiðarin á løgreglustøðini.

Ein annar bilførari fekk í gjár klipp í koyrikortið fyri at koyra við ov nógvari ferð. Ferðin varð máld til 110 kilometrar um tíman – tað var millum Fjarða.