Sprotin er framvegis ikki tøkur

Mikudagin kom hol í trygdarskipanina hjá nógvum heimasíðnum kring heimin. Talan var um heimasíður, sum eru uppbygdar við sonevnda málinum "PHP".

Hetta hevur havt sína ávirkan - millum annað á onkrar føroyskar síður.

Ein av teimum nógv nýttu er Sprotin. Heimasíðin, sum so nógv ið skriva nýta til mállæru.

Tað er tó ikki møguligt í dag.

- Sprotin er sløktur fyribils av trygdarávum. Í løtuni slepst ikki inn á heimasíðuna hjá Sprotanum.

Hetta skrivar Sprotin á Facebook-síðu sínari.

Orsøkin er, at omanfyrinevnda hol í skipanini gjørdi sportin.fo ótryggan. Tað hevur verið álop á onkra trygdarskipan, sigur Jonhard Mikkelsen, stjóri.

Harvið noyðast nógv, ið regluliga brúka Sprotan, at leita aðrastaðni eftir vitanini. Millum annað í egnari vitsku.