Jóhannis Erlendsson verður forseti í Unga Norðurlandaráðnum næsta ár

Sunnudagin varð Jóhannis Erlendsson valdur til forseta í Unga Norðurlandaráðnum (UNR) fyri 2027.

Jóhannis er 23 ára gamal og hevur umboðað Unga Tjóðveldið í ráðnum seinastu árini. Hann varð valdur til forseta á ársfundi hjá UNR í Helsinki um vikuskiftið.

Nývaldi forsetin segði í røðu síni, sambært Norðurlandaráðnum, at hann framhaldandi fer at arbeiða fyri ávirkanina hjá UNR í norðurlendskum politikki.

– Saman við komandi stýrinum fari eg at tryggja, at røddin hjá ungdóminum framvegis verður hoyrd, segði hann.

Jóhannes Erlendsson tekur við sum forseti um ársskiftið eftir Arvid Karell úr Finnlandi.