Smyril siglir bert tveir túrar í dag

Boðað verður frá nógvum vindi seinni í dag, og hetta ávirkar samferðsluna.

Avlýsingar eru á á leiðini millum Sandoynna og Skúgvoy og millum Gamlarætt og Hest í dag, og so er tað Suðuroyarleiðin:

- Fyri veður eru hesir túrar avlýstir á leið 7 týsdagin, 27. oktober: Av Krambatanga kl. 16.00 og av Havnini kl. 19.00

Soleiðis skrivaði Strandferðslan á heimasíðu sínari í gjár, mánadagin.

Harvið siglir Smyril bert tveir túrar hendan týsdagin. Farið varð av Tvøroyri í morgun, og Smyril siglir aftur av Havnini klokkan 13.