2026-10-27 18:55 
Tíðindaskriv
Tíðindaskriv
Dansiframsýningin Boreali Land bjóðar áskoðarum á eina ferð inn í gandakenda heimin hjá norðlýsinum. Hetta í Norðurlandahúsinum sunnudagin 1. november klokkan 16.00.
Í dansiframsýningini Boreali Land verður søgan søgd uttan orð. Í staðin fer upplivingin fram gjøgnum kropp og sansir, tá ið litir, ljóð og rørslur vekja norðlýsið til lívs og skapa ein heim í støðugari broyting.
Anna Borràs Company skipar fyri sýningini. Dansarin Anna Borràs er úr Spania, búsitandi í Svøríki og er útbúgvin samtíðardansari. Aftan á sýningina greiðir hon stutt frá verkinum og sínum kreativa arbeiði. Luttakarar fáa eisini sjálvir høvi at royna máttin í samtíðardansi.
Sýningin er ein partur av FJØLMENTANARVIKUNI 2026 í Norðurlandahúsinum, og tað er ókeypis at vera við.
Norðurlandahúsið
Vinarliga broyt tínar kennifíla - og privatlívsstillingar fyri at síggja hetta innihald