Spírabrak savnaði 1.700 fólk við Tjarnir

Sunnudagin 25. oktober var seinasti dagurin á Stórmøtunum hjá Kirkjuligu Heimamissióni. Tey vóru á fyrsta sinni í Stórhøllini við Tjarnir, og endað var við einum braki.

Trúboðin skýrir sonevnda Spírabrakið sum "ein av størstu sunnudagsskúlunum, sum nakrantíð hevur verið í Føroyum".

- Børn, foreldur, ommur, abbar og nógv onnur fyltu høllina við Tjarnir. Í sambandi við SpíraBRAKIÐ kom fyrsti partur í Spírar 2 út. Á nýggju heimasíðuni, spirar.fo, ber til at síggja bíbliusøgur, sangir og nógv annað.

Myndir: trubodin.fo

Til tiltakið sang felagskórið frá Sangfagnaðinum, sum telur umleið 200 sangarar.

Sangfagnaðurin er tiltak, sum var í heystferiuni í Nesvík, har børn vóru á sanglegu í tríggjar dagar og lærdu fleiri nýggjar sangir. Tey sungu eisini til konsert í Nesvík seinasta leygardag. Talan var bæði um kór fyri minnu børnini og kór fyri størru børnini.

Kórið frá sangfagnaðinum sang fleiri sangir, og til endan sluppu onnur, sum hava verið á Sangfagnaði áður, við at syngja í kórinum, skrivar Trúboðin.

Sí eisini - tekst og video: 10. Sangfagnaðurin endaði við tveimum fullsettum konsertum

Bíbliuleikur varð framførdur, og Reyða Leyva var millu, tey, ið vitjaðu áðrenn hoppiborgir og nátturði vóru á skránni.

Sí fleiri myndir og les meira á trubodin.fo