Innanlands

Føroyar fara skjótt undir tættari samstarv við Bretland

Eitt samstarvsskjal verður undirritað í Tinganesi mikudagin 25. november, har Lord Wood of Anfield og Bárður á Steig Nielsen taka lógvatak. Tað er ikki greitt, hvat ítøkiliga skal samstarvast um.

Bárður á Steig Nielsen, landsstýrismaður í uttanríkismálum (Mynd: Sverri Egholm)

Bárður á Steig Nielsen, landsstýrismaður í uttanríkismálum (Mynd: Sverri Egholm)

2026-11-19 13:56 Author image
Agnar Prestá
placeholder

Í eina tíð hevur verið tosað um størri samstarv millum Føroyar og Stórabretland - millum annað á tingsins røðarapalli og í skrivum.

Arbeitt hevur eisini verið við málinum, og nú er næstan til reiðar at skriva undir.

Sambært Uttanríkis- og fiskimálaráðnum er talan um eitt sonevnt samstarvsskjal. 

- Samstarvsskjalið skal virka sum ein felags pallur fyri at menna og styrkja sínámillum samstarvið. Nærri kunning verður í sambandi við undirritan, skrivar ufmr.fo.

Skriva undir í Føroyum í næstu viku
Tað verður á heimabeiti hjá Bárði á Steig Nielsen og føroyingum, at skjalið verður undirskrivað.

Lord Wood of Anfield, bretski ráðharrin í uttanríkismálum við ábyrgd fyri Evropa (Parliamentary Under-Secretary of State) vitjar næsta mikudag. Stewart Martin Wood er givna navn hansara.

Skjalið verður undirritað í Tinganesi mikudagin 25. november klokkan 16. Tá verður eisini størri greiða á, hvat í verueikanum stendur í skjalinum - og hvat hetta merkir.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder