KFUM: Eingin ólavsøkubasarur í ár

Leingi hevur ein fastur partur av ólavsøkuni verið basarurin í KFUM. Ígjøgnum árini hevur eitt ótal av fólki vitja á Hoydalsvegnum á tjóðarhátíðini; hjá fleiri hevur hetta verið siðvenja. Í ár verður hetta ikki ein møguleiki.

Nevndin í KFUM boðar á facebook-síðu sínari frá, við stórum sorgblídni, at eingin ólavsøkubasarur verður í ár, og at hendan siðvenjan steðgar nú.

Orsøkin er, at seinnu árini hevur nevndin merkt avleiðingarnar av, at ólavsøkan gjøgnum tíđina er broytt, og at tíðin nú er farin frá ólavsøkubasarinum.

Í kunngerðini stendur, at tey vóna at nógv hyggja aftur á afturvendandi tiltakið við gleði, og harmast um at hetta ikki longur er partur av skránni. Eisini vil nevndin takka øllum sum sjálvboðin hava hjálpt ,og øllum sum hava vitjað basarin hesi mongu árini.