Kend útvarpsrødd tagnað

Kenda útvarpsrøddin hjá Elis Poulsen er tagnað. Hann andaðist á Landssjúkrahúsinum í gjár.

Millum annað kenna vit Elis frá sendingum sum Lurtararnir og vit, Tit skriva vit spæla og ikki minst "Upp á tá”, sum hvørt fríggjakvøld spælir dansibandstónleik út til føroyingar.

Elis Poulsen hevur seinastu árini drigist við álvarsliga sjúku.

Elis Poulsen varð ættaður úr Skopun og búði á Sandi. Hann var 67 ár nú hann andaðist.