Innanlands

Tvey ferðsluóhapp í gjár

Ein fekk bót og klipp fyri ikki at halda víkiskylduna, og ein annar gleið í hálkuni. Eingin fekk álvarsligan skaða, sigur løgreglan.

Savnsmynd (Jens Kr. Vang)

Savnsmynd (Jens Kr. Vang)

2019-11-11 09:04 Author image
Alda Nielsdóttir
placeholder

Um hálvgum fimm-tíðina í gjár varð eitt ferðsluóhapp í Eysturoynni.

Talan var um ein bilførara, sum ikki helt víkiskylduna, og tí rendi á ein annan bil.

Vakthavandi á politistøðini sigur, at eingin skaði var, og at førarin fær bót og klipp í koyrikortið fyri ikki at halda víkiskylduna.

Klokkan 23.40 var eitt annað ferðsluóhapp í Havnadali, har ein bilur gleið av vegnum í hálkuni. Heldur ikki her var nakar álvarsligur skaði.

Annars hevur verið ótrúrliga friðarligt seinastu dagarnar, sigur vakthavandi.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder