Moldgoymslan er ikki til vanligt burturkast

Vágs kommuna hevur samstarv við Porkeris kommunu um moldgoymslu, sum er við landsvegin norðanfyri Porkerisháls, har mold og nýsligið gras kann latast inn og verður síðani tyrvt.

Í vikuni hevur mann tó funnið annað burturkast í moldgoymsluni.

Í hesum sambandi ger Vágs kommuna á heimasíðu sínari vart við, at moldgoymslan bert er til mold og ikki til vanligt burturkast. Annað burturkast eigur at verða burturbeint á bingjuplássunum ella beinleiðis til IRF í Trøllavík, sigur kommunan.

Mynd: Vágs kommuna