Túrarnir við Smyrli taka longri tíð

Túrarnir við Smyrli um vikuskiftið verða eitt sindur longri enn vanligt. Orsøkin er vánaliga veðrið, sum veðurstovurnar boða frá, og at strandfaraskipið tí siglir vestanfyri.

Hetta hevur við sær, at túrurin kann roknast við at taka 30 minuttir longri enn vanligt, upplýsir Strandferðslan á heimasíðuni.

Strandferðslan boðar eisini frá, at fyri veður kann væntast at seinkingar, broytingar ella avlýsingar vera leygardagin og sunnudagin.