Trý á sjúkrahúsi eftir ferðsluóhapp

Um hálvgun átta tíðina í kvøld hendi eitt ferðsluóhapp norðanfyri Skipanes. Tveir bilar stoyttu saman, og hetta hevði við sær, at vegastrekkið var stongt eina løtu.

Løgreglan upplýsir fyri VP, at tvey ella trý fólk vórðu flutt á Landssjúkrahúsi til viðgerðar ella nærri kanningar. Ein av persónunum sat kleimdur í bilinum, og tað tók eina løtu at fáa hann leysan.

Hann mátti klippast leysur, men eftir øllum at døma er ikki talan um so álvarsligan skaða kortini.