Agnar Prestá
- Hvørt mansbarn í Føroyum man kennast við talvuna á vegginum, beint sum tú kemur inn á føðideildina á Landssjúkrahúsinum. Á talvuni eru nálir, bláar og reyðar knappanálir. Hvør einasta knappanál á talvuni ímyndar eitt vakurt barn, sum er borið í heim farna árið.
Hetta skrivar Landssjúkrahúsið í morgun og boðar frá at tilsamans 675 nálir komu á talvuna í fjør. 345 av teimum bláar og 330 vóru reyðar. Harvið vóru 15 fleiri dreingir føddir enn gentur á Landsjúkrahúsinum í 2019.
Samanlagda vektin var 2,5 tons, og harvið var miðalvektin var gott 3700 gramm.
Einasta føðideildin í Føroyum er í Havn, og so at siga allir føroyingar verða nú føddir har. Í fjør vórðu tó trý børn fødd á Suðuroyar sjúkrahúsi.
Fyrsta barnið var føtt 1. januar 2019, og 31. desember vórðu tvær gentur føddar og ein drongur. Nú er ein nýggj talva fyri 2020 komin upp á førðideildini.
Vinarliga broyt tínar kennifíla - og privatlívsstillingar fyri at síggja hetta innihald