Harvey Weinstein funnin sekur

Filmsframleiðarin Harvey Weinstein varð í gjár funnin sekur í at hava framt kynsliga ágang og neyðtøku.

Tað avgjørdi ein dómstólur í New York í gjár.

Tó varð 67 ára gamli Harvey Weinstein samstundis fríkendur í meira álvarsomu ákærunum um áhaldandi kynsligan ágang, sum annars kundi havt givið honum lívlanga fongsulsrevsing.

Revsingarásetingin verður tó fyrst kunngjørd í næsta mánað, skrivar DR.

Fleiri enn 80 kvinnur hava ákært Weinstein fyri kynsligan ágang. Ákærurnar snúgva seg um alt frá óhóskandi viðmerkingum til beinleiðis neyðtøku.

Harvey Weinstein hevur noktað seg sekan og heldur uppá, at í fleiri førum var talan um samtykki.