Innanlands

Danmark: Ein metur frástøða er nokk

Verður helst broytt í Føroyum eisini

Bíðirøðirnar verða helst eitt sindur styttri enn tær hava verið síðstu nógvu vikurnar (Savnsmynd: Ólavur Frederiksen / Faroephoto)

Bíðirøðirnar verða helst eitt sindur styttri enn tær hava verið síðstu nógvu vikurnar (Savnsmynd: Ólavur Frederiksen / Faroephoto)

2020-05-10 18:45 Author image
Sverri Egholm
placeholder

Danska heilsustýrið hevur í dag dagført tilmælini um at fyribyrgja sittu. Tað mest eyðsýnda við broyttu tilmælunum, er um frástøðu, sum verður broytt frá tveimum metrum niður í ein metur.

Tað skrivar Danmarks Radio í kvøld.

Men hetta er ikki altíð galdandi. Eitt nú meðan ein er á vitjan á eldraheimum, sjúkrahúsum, hjá fólki sum eru í vandabólki við meira. Eisini tá andadrátturin er harðari sum t.d í ítrótti, til felagssang ella líknandi millum annað.

Í Føroyum er tilmælið framvegis frástøða upp á tveir metrar, men Bárður á Steig Nielsen, løgmaður, segði við útvarpið, at man helst verður broytt einaferð í næstu viku ella aðru viku.

Tilmælini í Evropa eru ymisk. Heimsheilsustovnurin WHO mælir til ein metur frástøðu meðan tað eitur tveir metrar í Bretlandi. Í Týsklandi og Hollandi er tilmæli hálvanannan metur, og í Noreg er tilmæli ein metur frástøðu.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder