India setur met – meira enn 50.000 smittað eitt samdøgur

India hevur skrásett meira enn 50.000 tilburðir av koronavirus seinasta samdøgrið. Tað er fyrstu ferð, at so nógvir tilburðir eru skrásettir eitt samdøgur í India. Tað skrivar Reuters, sambært TV2.

52.123 persónar fingu staðfest covid-19 seinasta samdøgri í India. Tað vísa tøl frá indisku heilsumyndugleikunum.

India er landið við triðflest tilburðum av covid-19 í heiminum. Samanlagt eru skrásettir nærum 1,6 milliónir tilburðir í landinum.