Ógvuslig spreinging í Beirut

Seinnapartin í dag var ein stór spreinging við havnarlagið í Beirut í Libanon.

Enn er ikki greitt hví, men sambært forsetanum bendir okkurt á, at 2750 tons av ammoniumnitrat í einum goymslubygningi er partur av orsøkini.

Tað skrivar Danmarks Radio á heimasíðuni í kvøld.

Myndir og upptøkur úr Beirut vísa stórt øki, sum er lagt í oyði.

Higartil eru fleiri enn 70 fólk deyð av spreingingini, og fleiri enn 2.700 fólk hava fingið løstir.