Heilsu- og Umsorganartænastan: Uppraðfesta kostin til eldru borgararnar

Í dag byrja trý starvsfólk í nýggjum størvum á kostfakliga økinum hjá Heilsu- og umsorganartænastuni. Talan er um ein deildarleiðara fyri køkarnar í Heilsu- og umsorganartænastuni og um tveir kostframleiðsluleiðarar.

Camilla Bonde Holmegaard Hansen er sett sum deildarleiðari, Rakul Oddmarsdóttir Berg er kostframleiðsluleiðari á Boðanesheiminum, og Birgit Øssursdóttir Nielsen er kostframleiðsluleiðari á Lágargarði.

Leiðslan í Heilsu-og umsorganartænastuni hjá Tórshavnar kommunu fegnast um, at komið er á mál við nýggja leiðslubygnaðinum á kostfakliga økinum, sum arbeitt hevur verið við í longri tíð.

Við hesum vænta vit at fáa eina meira samanhangandi, javna og dygdargóða tænastu til borgaran, skrivar kommunan.