Innanlands

Heystfagnaður í tillagaðari útgávu

Føroya bygdasligasta sjónvarp. Umfatandi skráin kann upplivast á Rás 1

2020-10-14 07:43 Author image
Ingi Samuelsen
placeholder

Seinastu árini, hevur Heystfagnaðurin verið ein fastur táttur í Eiðis kommunu. Soleiðis verður aftur í ár, tó í einari tillagaðri útgávu.

Í ár varpa vit Heystfagnaðin út til allar føroyingar, umvegis sjónvarp. Við tað, at Heystfagnaðurin á Eiði hevur verið kallaður Føroya bygdaligasta tiltak, verður stroymingin av umfatandi tiltakinum leygardagin eisini kallað Føroya bygdasligasta sjónvarp.

Á skránni hava vit tiltøk, sum vit kenna frá undanfarnu árum. T.e. kappingar- undirhald og prát. Nevnast kann heystgudstænasta, fletta kúgv, gita vekt á veðri, hespukapping, gongutúrur, fótbóltsdystur, rullu- og kjøtpylsukapping, flettikapping umframt prát og tónleikur av ymsum slag.

Øll fáa møguleika, at taka lut í kappingum- og at læra og evna heimanifrá.

Føroya bygdasligasta sjónvarp verður sent á Rás 1, leygardagin frá kl. 14 til áleið miðnátt 

placeholder
placeholder