Dómurin í pedofilimálinum kærdur til landsrættin

Dómurin í stóra neyðtøkumálinum, har ein 42 ára gamal maður í síðstu viku fekk trý ára fongsulsdóm fyri kynsliga at hava misnýtt tríggjar dreingir, verður skotin inn fyri landsrættin.

Tað upplýsir Mads Strandberg Petersen, ákærufulltrúi, fyri útvarpinum í dag.

Áðrenn rættarmálið byrjaði, kravdi ákæruvaldi at maðurin varð dømdur til forvaring, og at hann ikki skuldi latast leysur aftur, fyrr enn greitt var, at hann ikki kundi gera seg inn á fólk. Í øðrum lagi kravdi ákæruvaldi at maðurin fekk átta ára fongsulsrevsing.

Í Danmark er revsilógin herd, men ivi er um hetta er galdandi í Føroyum. Tað er hetta sum skal roynast í landsrættinum.