Innanlands

Roynir at finna pening, so tað ikki endar galið í Skúgvi

Landsverk hevur gjørt fyribils kanningar av havnalagnum í Skúgvi, og heldur fram við at fyrireika verkætlanina. Ætlanin er at bøta um havnalagið í summar

(Mynd: Brandur Sandoy)

(Mynd: Brandur Sandoy)

2021-05-04 11:08 Author image
Sverri Egholm
placeholder

Brot í lendingini í Skúgvi hevur nú vaksið seg so stórt, at vandi er fyri at fólkaskaði stendst av tí, segði Brandur Sandoy í einum grein 52 fyrispurningi til landsstýrismannin í fíggjarmálum, og vildi vita um ætlanir vóru at bøta um hetta.

Jørgen Niclasen, landsstýrismaður, hevur nú svarað og hann sigur, at ætlanin er at gera arbeiðið í summar.

- Landsverk hevur gjørt fyribils kanningar av havnalagnum í Skúgvi, og heldur fram við at fyrireika verkætlanina. Roynt verður at finna pening, so arbeiðið kann gerast í summar, sigur Jørgen Niclasen í svarinum.

[object Object]Lendingin í Skúvoy (Savnsmynd: Ólavur Frederiksen / Faroephoto)

- Fleiri lendingar og atløgubryggjur á útoyggjum, sum Strandferðslan brúkar, eru ikki í nóg góðum standi. Havnirnar eru kommunalar, men tað kann verða trupult hjá smæstu kommununum at fíggja neyðugar umvælingar, sigur landsstýrismaðurin.

Og ábøtirnar mugu gerast í summar, heldur spyrjarin, Brandur Sandoy.

Slíkar umvælingar mugu gerast í summartíð tá tað er av fagrasta veðri, og fyri at fyribyrgja eini uppaftur størri umvæling, er tað av stórum týdningi, at lendingin verður umvæld í summar, sigur Brandur Sandoy.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder