Landsstýrið hevur ikki ætlanir um at ein talgild koppsetingarkvittan ella eitt koronupass skal vera grundarlag fyri hvat borgarar í landinum skulu sleppa.
Tað sigur Kaj Leo Holm Johannesen, landsstýrismaður í heilsumálum, í svari upp á ein grein 52 fyrispurning, sum Bjarni Kárason Petersen úr Framsókn, hevur sett.
Hetta er annars ein skipan, sum verður brúkt í Danmark, har eitt koronapass gevur fólki atgongd til kaffistovur, matstovur og mentanartilboð. Passið verður millum annað brúkt um ein skal til frisør ella á savnsvitjan. Verða hesar reglur ikki hildnar, kann man fáa bót.
Men tað eru altso ongar ætlanir fyri hesum í Føroyum.
- Ongar ætlanir eru um, at ein talgild koppsetingarkvittan ella eitt koronupass skal vera grundarlag fyri, hvat borgarar í landinum hava atgongd til í mun til almenn og privat frítíðar- og mentanartilboð, vørur og tænastur annars, ella skulu verða noktaði atgongd til tilboð, sigur Kaj Leo Holm Johannesen í svarinum.
Vinarliga broyt tínar kennifíla - og privatlívsstillingar fyri at síggja hetta innihald