Ingi Samuelsen
Seint í gjárkvøldið kom amerikanski uttanríkisráðharrin, Antony Blinken til Keypmannahavnar. Hetta er fyrsta vitjanin hjá einum ráðharra í stjórnini hjá Joe Biden í Danmark.
Í dag skal hann halda fleiri fundir í danska høvuðsstaðnum, millum annað við Mette Frederiksen, forsætisráðharra og uttanríkisráðharrarnar í Danmark, Grønlandi og Føroyum.
Blinken vitjar í Danmark undan einum fundi í Arktiska Ráðnum, sum verður í Reykjavík 19. og 20. mai.
Á fundinum í dag fær Jenis av Rana, landsstýrismaður við uttanríkismálum, møguleika at tosa við amerikanska starvsbróður sín um radaran, sum Nato ætlar at seta upp á Sornfelli.
Today we’re heading to Denmark, the first stop in a trip that will place a focus on strengthening @NATO, partnering in the Arctic, confronting the climate crisis, and addressing other global challenges we face. pic.twitter.com/fz6VbMDfOY
— Secretary Antony Blinken (@SecBlinken) May 16, 2021
Vinarliga broyt tínar kennifíla - og privatlívsstillingar fyri at síggja hetta innihald