Beint undir 45 prosent av íbúgvunum eru nú koppsett

Koronukoppsetingar vórðu aftur gjørdar í gjár, tá 896 fólk vórðu koppsett í Føroyum. Heimasíðani corona.fo skrivar, at 725 fólk fingu fyrra prikið, og 171 fólk fingu seinna prikið.

Nú eru 44,8 prosent av íbúgvunum koppsettir - 23.867 fólk hava fingið fyrru koppsetingina.

14.375 fólk hava fingið seinnu koppsetingina, og tað svarar til 27% av fólkatalinum. 

Tilsamans eru 38.242 kopppsetingar gjørdar í Føroyum.