placeholder
Uttanlands

Fleiri túsund fólk flutt burtur frá eldgosi

Eldgosið Cumbre Vieja á kanarisku oynni La Palma fór at goysa í gjár

(Mynd: EPA)

(Mynd: EPA)

2021-09-20 17:43 Author image
Ingi Samuelsen
placeholder

Umleið 5.000 fólk, harav eini 500 ferðafólk, eru flutt burtur av kanariuoynni La Palma eftir at eldgosið Cumbre Vieja fór at goysa sunnudagin.

Hetta er fyrstu ferð í 50 ár, at tað goysir á hesi oynni, sum er ein av teimum minnu Kanariuoyggjunum – tann norðara av teimum, sum liggja longst vestur í havi.

Seinast tað goysti í Cumbre Vieja var í 1971.

Tað hava í seinastuni verið fleiri ávaringar um, at okkurt var við at henda í undirgrundni. Fleiri smærri jarðskjálvtar eru máldir upp til seinnapartin sunnudatin, tá tað fór at goysa.

La Palma er ikki, eins og hinar Kanariuoyggjarnar, eitt stórt ferðafólkamál. 83.000 fólk búgva á oynni, harav næstan helmingurin har suðuri á oynni, nærhendis eldgosið.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder