Myndir: Eldur í trimum húsum á Stykkinum

Í nátt kom eldur í trý hús á Stykkinum. Sum skilst, eru húsini illa farin, men eingin fólkaskaði var.

Løgreglan skrivar á Facebook, at talan er um eldáseting. Eisini verður sagt, at løgreglan í nátt hevði nógv at gera við m.a. tveimum harðskapsmálum, og brúksstuldur.

Kanningararbeiðið er í gongd og kemur at taka allan dagin, so løgreglan hevur ikki meira at siga um tað fyribils, skrivar løgreglan.