Uttanlands

Týskarar vilja helst hava Scholz til kanslara

Nógv fleiri veljarar vilja hava sosialdemokratiska valevnið til nýggjan kanslara, vísa nýggjar kanningar

Sigursharrin á týska valinum, sosialdemokraturin Olaf Scholz (Mynd: EPA)

Sigursharrin á týska valinum, sosialdemokraturin Olaf Scholz (Mynd: EPA)

2021-09-28 10:28 Author image
Ingi Samuelsen
placeholder

Eftir týska valið sunnudagin eru tað nú tvey valevni, sum royna at finna meiriluta fyri at yvirtaka kanslara-sessin hjá Angela Merkel. Teir eru sosialdemokraturin Olaf Scholz, sum vann valið tepurt, og kristdemokraturin Armin Laschet, sum kom á øðrum plássi.

Hóast úrslitið var tætt, so er rættiliga greitt hvønn týskarar helst vilja hava til nýggjan kanslara. 63 prosent vilja helst hava Olaf Scholz, vísir ein nýggj kanning, sum kanningarstovan Civey hevur gjørt fyri tíðarritið Der Spiegel.

Bara 24 prosent peika á Armin Laschet. 13 prosent svara “veit ikki”.

Sama mynd vísir seg í øðrum líknandi kanningum, ið eru gjørdar eftir valið, sum gav kristdemokratisku flokkunum CDU og CSU ringasta valúrslitið nakrantíð.

Sjálvt millum veljararnar, sum atkvøddu fyri CDU/CSU eru tað 18 prosent, ið peika á Olaf Scholz til nýggjan kanslara, meðan 62 prossent peika á egna valevnið. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder