Pól Sundskarð: Heilsan av Ríkissjúkrahúsinum

- Hey tit øll. Vanliga koma mínar myndir av einum fjallatoppi, men ikki í kvøld, henda heilsan kemur av Ríkissjúkrahúsinum.

Soleiðis byrjaði kendi fjallagangarin Pól Sundskarð eina støðudagføring á Facebook í gjárkvøldið.

Hann var mikudagin óheppin og gleið av Seyðringarskarð á veg oman í Strandadal. Bjargingarlið og tyrlan vóru eftir honum, og fingu hann á sjúkrahús.

Pól Sundskarð skrivar, at hann skal undir skurð í rygginum í dag.

Tað munnu vera fá støð í føroysku náttúruni, har Pál Sundskarð ikki hevur traðkað síni spor, og seinastu árini hava vit havt óteljandi nógvar myndir hjá Pól Sundskarð her á Portalinum. Vit ynskja Pól Sundskarð alt tað besta og góðan betring.