Veðrið ávirkar bygdaleiðir

Nógvur vindur er í løtuni, og tað hevur m.a. við sær, at nakrar avlýsingar hava verið á Bygdaleiðum.

Sambært heimasíðuni hjá Strandferðsluni er fyribils eingin koyring á leið 410 millum Fuglafjørð, Gøtudal og Klaksvík, og á leið 506, ið koyrir millum Trøllanes og Syðradal.

Strandferðslan sigur eisini, at roknast kann við broytingum og avlýsingum í ferðsluni á bæði oyggja- og bygdaleiðunum.

Landsverk boðar í løtuni frá nógvum vindi um alt landið. Koyrilíkindini hjá Landsverki síggjast her.