placeholder
Uttanlands

Stígur komin í Facebook

Fyri fyrstu ferð er talið á dagligum brúkarum á sosiala plattforminum minkandi

(Savnsmynd: EPA)

(Savnsmynd: EPA)

2022-02-03 18:57 Author image
Sverri Egholm
placeholder

Talið á dagligum brúkarum á heimsins størsta sosiala miðli, Facebook, minkaði eitt vet í fjórða ársfjórðingi í mun til triðja ársfjórðing í 2021.

Tað skrivar miðilin The Verge.

Hetta er fyrstu ferð at Facebook hevur kunngjørt, at talið á brúkarum gongur annað enn upp eftir. Frá 1,930 mia brúkarum í triðja til 1,929 mia í fjórða ársfjórðing.

Hóast langt undir tí vøkstrinum sum miðilin annars hevur havt higartil, so vaks talið á mánaðarligum brúkarum í sama tíðarskeiði eitt lítið vet. Frá 2,910 mia brúkarar til 2,912 mia brúkarar.

Partabrævamarknaðurin tók ikki væl ímóti frágreiðingini frá Facebook. Virðið á móðurfelagnum hjá sosiala miðlinum, Meta, fall við umleið 20 prosentum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder