Hús brend í grund á Borðoynni

Eini hús brendu í grund á Borðoynni í nátt.

Talan er um eini hús í Bjargamansdali syðst á Borðoynni sambært Kringvarpinum.

Umleið klokkan 02 í nátt varð tyrlan boðsend, og Klaksvíkar Sløkkilið fór at sløkkja eldin.

Løgreglan sigur seg kunna staðfesta nú, at eingin mansskaði var. Fólk høvdu verið í húsunum bæði fríggjadag og leygardag, men enn ber ikki til at siga, hví eldurin kyknaði í húsunum.