Innanlands

Fleiri bilførarar tiknir inni í Firði í gjár

Løgreglan gjørdi ferðslukanningar í Kollafirði fyrrapartin í gjár

Savnsmynd (Jens Kr. Vang)

Savnsmynd (Jens Kr. Vang)

2018-06-25 10:27 Author image
Oda Strøm
placeholder

Løgreglan var úti við radaranum í gjár í Kollafirði, og fleiri bilførarar vórðu tiknir fyri at koyra ov skjótt í bygdum øki.

Tríggir bilførarar vórðu tiknir beint eftir klokkan 10 gjáramorgunin inni í Firði. Tveir bilførarar fingu klipp í koyrikortið - teir koyrdu 75 kilometrar um tíman og 83 kilometrar um tíman í bygdum øki. 
 
Tann triðji fekk treytaða frádøming av koyrikortinum, tí hann varð tikin fyri at koyra 86 kilometrar um tíman í bygdum øki. 
 
Á døgurða kannaði løgreglan eisini ferðina hjá bilførarum í óbygdum øki í Kollafirði. Tá varð ein tikin afturat fyri at koyra heili 120 kilometrar um tíman. Hann fekk tí eisini treytaða frádøming av koyrikortinum.
 
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder