Royndi at smugla rúsevnir til Grønlands: Doyði umborð á flogfarinum

Mikudagin lat ein 33 ára gamal maður lív umborð á einum flogfari úr Keypmannahavn til Kangerlussuaq í Grønlandi.

Orsøkin var, at hann hevði roynt at smugla rúsevnir innvortis. Men innpakningurin, sum maðurin hevði svølgt, var eftir øllum at døma ikki heilt tættur, og tí fóru rúsevnini víðari út í kroppin hjá manninum, upplýsir løgreglan í Grønlandi sambært Ritzau.

Higartil í ár hevur løgreglan skrásett 23 mál, har illgruni var um, at onkur smuglaði rúsevnir innvortis.