Øll løgreglufólk í Noregi skulu bera vápn

Tað er ikki vanligt, at norska løgreglan hevur vápn uppiá sær, men øll løgreglufólk í Noregi skulu nú bera vápn – fyribils.

Hendan avgerðin er tikin í kjalarvørrinum á skottilburðinum í Oslo í nátt, har tvey fólk lótu lív og 21 vórðu særd.

– Hendingin í Oslo er álvarsom og verður kannað sum yvirgangur. Útfrá teimum upplýsingunum frá PST og løgregludøminum í Oslo, hava vit tikið avgerð um fyribils at bera vápn, sigur løgreglustjórin, Benedicte Bjørnland sambært DR.

Les eisini: Oslo: Tvey fólk latið lív og fleiri særd av skotum