Runavíkar býráð samtykt at fara undir svimjihøll

(Videoupptøka: Hans Terje Vestergaard)

Eini 60 áhoyrarar vórðu í kvøl møttir upp at hoyra niðurstøðuna hjá Runavíkar býráði í kvøld. Nú skuldi støða takast um nógv umrøddu svimjihøllina.

Tað eru góð 60 ár síðani málið fór í gongd, og síðani 2016 eru pengar settir av til fyrireiking av svimjihøllini. Svimjihøllin hevur verið nógv umstrídd í økinum, av tí at hon bleiv so nógv dýrari enn ætlað.

Endaligi kostnaðurin gjørdist 165 milliónir.

Orðaskiftið um málið vardi í góðan tíma, og so var atkvøtt. Átta fyri og tvey ímóti. Fýrverk varð skotið uttan fyri býráðssalin eftir fundin.