717 bústaðir standa tómir

450 sethús, 232 íbúðir og 35 aðrir bústaðir standa tómir í Tórshavnar kommunu. Altso eingin býr í hesum tilsamans 717 bústøðunum.

Hetta upplýsti Heðin Mortensen, á eykabýráðsfundi í Tórshavnar kommunu í síðstu viku. Tølini eru frá november í fjør.

Tað er stórur tørvur á bústøðum í høvuðsstaðnum. Á eykabýráðsfundinum varð samtykt at seta í verk útstykking á Argjahamri. Talan er um útvið 200 bústaðareindir.