2022-08-20 17:03 
Sverri Egholm
Sverri Egholm
Hósdagin fór ein bjarging fram við tveimum føroyskum rógvarum vestur úr Írlandi í bretskum sjóøki.
Bátur teirra hevði fingið stóran sjógv og so stóran skaða, at teir fóru í gummibjargingarbát.
Eitt farmaskip sum var nærhendis var á leiðini tveir tímar seinni, og hóast sera vánaligar umstøður, vóru teir báðir bjargaðir umborð á 200 metrar langa skipið, Nordic Qinngua.
Líkindini vóru heldur vánalig við 6 metur høgari aldu og vindi á umleið 17 m/s.
Royal Air Force hevur lagt videobrot á netið, sum er tikið úr flogfari.
Væntandi verður Nordic Qinngua í Rotterdam við rógvarunum mánadagin.
Vinarliga broyt tínar kennifíla - og privatlívsstillingar fyri at síggja hetta innihald