Innanlands

Janus Thomsen verður stjóri í Pf. Tjaldur

Orkufelagið Effo skal hava nýggjan stjóra

Janus Thomsen

Janus Thomsen

2022-08-23 10:50 Author image
Ingi Samuelsen
placeholder

Føroyska orkufelagið Effo skal hava nýggjan stjóra, tí Janus Thomsen, ið hevur verið stjóri síðani august 2018 tekur við sum stjóri í íløgufelagnum Pf. Tjaldur eftir Árna Rasmussen.

Tað boða Effo og Tjaldur frá í tíðindaskrivi í dag. 

Fráfarandi stjórin í Effo fer tó ikki úr føroyska orkufelagnum, tí hann heldur fram sum stjóri til nýggjur stjóri er settur, og harafturat er hann í uppskoti at verða valdur inn í nevndina á komandi eykaaðalfundi.

Skiftið hevur við sær, at Effo skal hava nýggjan stjóra, og byrjar tað arbeiðið beinanvegin.

- Vit takka Árna fyri hansara arbeiði í Tjaldur seinastu níggju árini, har felagið hevur verið undir støðugari og áhaldandi menning. Nevndin í Tjaldur ynskir samstundis at bjóða Janusi vælkomnum í Tjaldur og síggja vit fram til eitt gott og mennandi samstarv”, sigur Rúni M. Hansen, nevndarformaður í Tjaldur. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder