Sverri Egholm
Danski miðilin Frihedsbrevet fær nú eina føroyska útgávu, og tað verður við hvassa journalistinum Barbaru Holm á odda sum blaðstjóra.
Fyrsta søgan er longi skrivað, og hon kemur út á frihedsbrevet.fo í næstu viku, skrivar Barbara Holm á Facebook seinnapartin.
Barbara Holm fór í summar úr starvi sum journalistur í Kringvarpi Føroya. Áður hevur hon verið blaðstjóri á Sosialinum.
Miðilin, sum ikki ynskir miðlastuðul vil vera fræls og óheftur. Mads Brügger er ábyrgdarblaðstjóri og Kristoffer Eriksen er blaðstjóri á danska miðlinum. Hetta eru kendir menn innan danskan journalistikk, og hava millum annað verið á Radio24syv.
Føroyskir pengar
Høvuðsíleggjarar í móðurfelagnum hjá Frihedsbrebet eru Bjørn Høi Jensen og Denis Viet-Jacobsen, men eisini Niels Heini Mortensen, sum eigur og rekur SMS-samtakið, eigur partapening í Frihedsbrevet umvegis NM Holding.
Sambært Ekstrablaðnum hevur Niels Mortensen sett hálva aðru millión í Frihedsbrevet.
Frihedsbrevet kom út á fyrsta sinni í apríl 2021.
Vinarliga broyt tínar kennifíla - og privatlívsstillingar fyri at síggja hetta innihald