Nýggi miðilin Frihedsbrevet.fo í luftini

Í dag 1. desember klokkan 15 lat nýggi miðilin Frihedsbrevet.fo upp. Á síðuni ber tí nú til at tekna hald og lesa fyrstu greinarnar og hoyra fyrsta podvarpið. 

Í dag snýr tað seg um fiskivinnuna. Tvær høvuðssøgur eru at finna á nýggja miðlinum. 

Onnur snýr seg um, at meðan Næraberg P/f í Føroyum ongantíð hevur sæð út til at tjena stórvegis pengar, og higartil ongantíð hevur rindað vinningsbýtið, rindaði Næraberg Holding umleið 140 milliónir krónur í vinningsbýtið í 2016 og umleið 135 milliónir í fjør til Hollands. Hetta hevur Frihedsbrevet.fo funnið útav við at fylgja pengunum og eigaraskapinum av feløgunum, sum hollendsku P&P eiga í. 

Hin søgan snýr seg um skipaða útblaking umborð á Føroya størsta fiskiskipi í nógv ár, Nærabergi. Frihedsbrevet.fo hevur í longri tíð gravað í virkseminum umborð á Nærabergi, og hevur funnið prógv fyri, at skipað útblaking var umborð á skipinum, sum bleiv selt í fjør.

Vitja frihedsbrevet.fo her