Ingi Samuelsen
Í løtuni verður nýggja samgonguskjalið, við heitinum "Saman standa vit sterk" lagt fram á tíðindafundi í tinghúsinum.
Aksel V. Johannesen hevur greitt frá hvørji ynski Javnaðarflokkurin hevur fingið ígjøgnum, og upplýsti í hesum sambandi, at umframt løgmann fær Javnaðarflokkurin trý landsstýrisfólk.
Málsøkini hjá javnaðarlandsstýrisfólkunum verða:
Heilsumál
Umhvørvismál og orka - herundir arbeiðsmarknaður og bústaðarmál
Barna- og undirvísingarmálaráðið, ið verður eitt nýtt aðalráð.
Høgni Hoydal hevur júst upplýst, at Tjóðveldi fær trý landsstýrisfólk, býtt á hesi málsøki:
Uttanríkis- og vinnumál
Fiskivinnumál, herundir búnaðarmál
Almannamál og mentan
Harumframt skal Tjóðveldi umsita samferðslumál, sum verða býtt millum tey trý landsstýrisfólkini.
Løgtingið fær eisini forfólkið fyri Løgtingið, sum Høgni Hoydal málbar seg.
Framsókn fær tvey landsstýrisfólk, ið skulu umsita
Fígjarmál
Løg- og innlendismál
Vinarliga broyt tínar kennifíla - og privatlívsstillingar fyri at síggja hetta innihald