Innanlands

Skálatrøð: 24 básar settir av til parkering í 2 tímar

Hetta ger Tórshavnar kommuna fyri at skapa parkeringsmøguleikar til tey, ið hava tørv á parkering í styttri tíð á Skálatrøð

2023-01-24 21:10 Author image
Agnar Prestá
placeholder

- Til tess at skapa parkeringsmøguleikar til tey, ið hava tørv á parkering í styttri tíð á Skálatrøð, t.d. tá báturin skal eftirhyggjast, ella tá ein skal á matstovu, verður partur av parkeringsøkinum umskipaður.

Hetta skrivar Tórshavnar kommuna á heimasíðu sínari.

Kommunan er nú farin undir at frámerkja 24 básar, sum skulu hava tíðaravmarkingina tveir tímar í staðin fyri átta tímar, sum er galdandi í løtuni.

Tað er ikki greitt enn, nær hesi 24 plássini eru tøk, men torshavn.fo skrivar, at kunnað verður nærri, tá ið arbeiðið er liðugt.

Skálatrøð er ein teimum parkeringsplássunum í høvuðsstaðnum, sum verður mest nýtt.

[object Object]
Økið, ið verður broytt, er her frámerkt við við reyðum (Mynd: torshavn.fo)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder