Mentan

Aqua spælir á Vágsbøi í kvøld

JoKa, Jasmin, Ólavur á Váli Olsen, Guðrun Sólja Jacobsen og Hitmen verða eisini at hoyra í kvøld

2018-08-09 15:20 Author image
Tíðindaskriv

Í dag verða fyrstu almennu konsertirnar á fimtanda Summar Festivalinum í Klaksvík.

Stóra navnið í kvøld er hittbólkurin Aqua, sum fekk altjóða gjøgnumbrot við sanginum Barbie Girl og síðani hittaði við sangum sum Doctor Jones, Roses Are Red, Cartoon Heroes, Around The World og Back To The 80’s. Aqua spælir á Vágsbø kl 22:00.

Bólkurin JoKa hevur nógvar kendar sangir, men bólkurin gjørdist ongantíð veruligur live-bólkur. Tí verður tað ein framførsla av teimum heilt sjáldsomu, tá ið JoKa spælir á Summar Festivalinum í kvøld.

Í kvøld ber eisini til at hoyra konsertir við Jasmin, Ólavi á Váli Olsen, Guðrun Sólju Jacobsen og Hitmen. 

placeholder
placeholder