Innanlands

Eldávaringin í Sjóvinnuhúsinum fór í gongd í morgun

Roykvarnararnar mistóku dust fyri royk, og tí varð eldávaringarskipanin sett í gongd

2018-08-09 14:03 Author image
Oda Strøm
placeholder

Brandalarmurin í Sjóvinnuhúsinum á Vestaru Bryggju í Havn fór í gongd fyrrapartin. 

Sjóvinnuhúsið er útgjørt við einari eldávaringarskipan, sum automatiskt boðar sløkkiliðnum frá, tá eldur kemur í. 

Tórshavnar Sløkkilið sendi tí ein bil, men eingin eldsbruni var í húsinum.

- Húsið er akkurát opnað, og nakrir handverkarar vóru farnir í gongd við at saga, og tað var støvið frá sagingini, sum roykvarnararnar fangaðu í luftini - og tað setti so eldávaringarskipanina í gongd, sigur Petur Vágsgarð, indsatsleiðari hjá Tórshavnar Sløkkiliði, sum sjálvur fór oman at kanna málið. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder