Mentan

Summarfestivalurin heitir á fólk um at koma í góðari tíð

Í gjár vóru trupulleikar við teimum 8000 festivalluttakarunum

2018-08-10 14:10 Author image
Ari av Rana
placeholder

Summar Festivalurin væntar fult hús í kvøld og heitir á fólk um at koma í góðari tíð

Fyriskipararnir siga, at í gjárkvøldið vóru umleið 8000 fólk á Summar Festivali, og tað skapti langar køir við inngongdina áðrenn konsertina við høvuðsnavninum Aqua, sum mátti útsetast eitt korter.

Í kvøld verður roknað við enn størri fjøld, tá ið svenska heimsstjørnan Zara Larsson skal spæla á Vágsbø. 

– Vit vilja heita á fólk um at koma á festivaløkið í góðari tíð áðrenn konsertina, so langar køir ikki verða við inngongdina, sigur Erik Biskopstø, sum er ein av fyrireikarunum av Summar Festivalinum.

Zara Larsson spælir á Vágsbø kl. 21:00 í kvøld. Onnur sum framføra eru í kvøld Heiðrik, T.O.S., Lena Anderssen, Kjølar, Asta & Liza, Sámal Ravnsfjall og Ingi Poulsen.

Í kvøld verður eisini stóra SF fagnaðarkonsertin, tá 15 sangarar syngja 15 sangir, sum hava verið við at seta dám á Summar Festivalin gjøgnum árini.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder