Davíð Guðnason byrjaður sum kommunulækni á Tvøroyri

Dávid Guðnason byrjaði mánadagin í føstum starvi sum kommunulækni í viðtaluni á Tvøroyri mánadagin 13. mars.

Í dag fekk hann vitjan av borgarstjóranum, Kristin Michelsen, sum legði leiðina framvið at heilsa uppá og ynskja Davíð Guðnason vælkomin.

Kommunulæknaviðtalan á Tvøroyri, ið hevur tvey viðtalu hølir og er normera til 2 læknastørv, er nú mannað við Davíð Guðnason, ið er settur í fast starv sum kommunulækni, meðan tað regluliga koma skiftandi avloysarar at røkja eina viðtalu.   

Í viðtaluni, sum Davíð Guðnason røkir, starvast nú umframt Davíð Guðnason sum lækni, eisini Petra Müller sum læknaskrivari og Rósa Thomsen sum sjúkrarøktarfrøðingur.